En savoir plus
In mesk oberow Jane Austen nyns yw Furneth ha Fînder Brÿs an whedhel moyha estêmys gans crytycoryon, kyn feu va an kensa a'y whe novel dhe vos dyllys. In lies fordh bytegyns yth ywa an novel moyha kerys genef vy a oberow Jane Austen. Yma an narracyon ow presentya dhyn dyw whor. Y yw genys in chy brâs in soth a Bow an Sowson saw dre rêson a lahys ertans usy ow favera mebyon dres myrhes, ymowns ow kelly aga thrigva enesek ha res yw dhodhans ha dh'aga mabm chaunjya aneth rag bos tregys in penty pell dhe'n west. An dhyw whor yw fest dyhaval an eyl dhyworth hy ben. Elynor, an vowes cotha yw doth ha hy a yll controlya hy omdhegyans. Mary-An, an whor yonca, wàr an tenewen aral, yw dyscypyl gwresak a'n Oos Romantek. Nyns yw a les dhedhy ma's emôcyon ha passyon ha scant ny yll meur a'y fara bos comendys. Dre rêson a'y stauns yma hy ow settya oll hy holon wàr dhen yonk nag yw wordhy a'y herensa. Pelha in hy sùffrans nyns usy hy ow consydra gwynvÿs hy theylu. Yma hy whor gotha ow codhevel yn frâs kefrÿs saw heb alowa dh'y thristans bos begh rag hy whor na'y mabm. A les ywa inwedh ow tùchya an dhew dhen yonk ha caradow i'n whedhel, fatell yns y lymytys der ûsadow socyal aga oos. Rag ensampel nyns o alowys dhe dhen i'n dedhyow-na cably den vÿth aral rag avauncya y lowender y honen. Warbarth gans an chif-caracters benow ha gorow, yth eson ny ow metya lies person erel, y oll dyhaval dhyworth y gela saw y lînednys yn lybm gans geseth aswonys an auctour.
---
Sense and Sensibility was the first of Jane Austen's novels to be published. Athough it is not considered by many critics to be the most brilliant of her works, this novel has much to recommend it. The narrative introduces us to two sisters. They are born in a large house in the south of England, but because laws of inheritance at the time favoured sons rather than daughters, the sisters together with their mother are compelled to leave their native place and to move far away to the south west. The two sisters are very unlike each other. Elinor, the elder is sensible and is able at all times to exercise self-control. Marianne, the younger, is a convinced devotee of the Romantic Age. Her overriding characteristics are feeling and passion, and as a result some of her behaviour is of questionable propriety. Her nature leads her to fall desperately in love with a young man who is unworthy of her affection. Furthermore in her suffering she is wholly indifferent to the wellbeiing of her mother and sister. The elder sister suffers as well from unrequited love, but she is determined at all times not to let her misery affect her family. Also of interest in the novel is way in which honorable young men in the narrative are severely limited by the conventions of the age. For example, no man may openly discredit another simply to advance his own happiness. As well as the protagonists the reader is presented with a number of minor characters, all different from one another and depicted with the author's customary perspicacity and irony.
