En savoir plus
Na sociedade actual, moitas miradas vólvense cara á atención de persoas que, pola súa incapacidade ou a súa idade avanzada, perderon a súa autonomía na vida cotiá. A demanda de profesionais formados que presten a súa axuda a estes colectivos é cada día maior, de aí que xurda con forza nas páxinas de ofertas de emprego a figura do auxiliar de axuda a domicilio como unha profesión de futuro.
Con este manual, o lector poderá adquirir os coñecementos necesarios para planificar, desenvolver e realizar o seguimento de casos asistenciais, xestionando trámites administrativos, así como para velar polo mantemento do fogar, en condicións axeitadas ao perfil do asistido, e facilitar a súa integración social.
Os contidos que presentamos neste manual correspóndense cos módulos de Planificación, desenvolvemento e seguimento de casos asistenciais, Técnicas e soportes de xestión e administración básica e Recursos sociais e integración social do Certificado de Profesionalidade Auxiliar de Axuda a Domicilio, segundo o Real decreto 331/1997.
Ideaspropias Editorial, dentro do Certificado de Profesionalidade de Auxiliar de Axuda a Domicilio (R. d. 331/1997), desenvolve este manual de formación para todos aqueles profesionais que se dedican a este labor ou desexan facelo, co fin de que amplíen os seus coñecementos sobre esta materia facilitando a obtención, ao mesmo tempo, dun título recoñecido polo Sistema Nacional de Cualificacións.
