Ulteriori informazioni
"Davlat tilida ish yuritish fanidan uslubiy ko`rsatmalar" deb nomlangan ushbu qo`llanma oliy hamda o`rta maxsus ta`lim tizimida tahsil olayotgan talabalar shu bilan birga davlat korxonalarida faoliyat yuritayotgan barcha rahbar va ishchi - xodimlar uchun mo`ljallangan. Qo`llanma shu fanning dasturiga mos tuzilgan. Ushbu qo`llanmada o`zbek adabiy tilining rasmiy-idoraviy uslubiga mansub hujjatlarning turlari, ularni tashkil etuvchi tarkibiy qismlari, rasmiylashtirish qoidalari, har bir hujjatga xos bo'lgan til xususiyatlari to'g'risida ham nazariy, ham amaliy bilimlar berish haqida ma`lumot berilgan. Bundan tashqari kitobxonlar uchun amalda bo'lgan yigirmadan ortiq hujjatlarning namunalari bilan tanishtirish orqali, ularning o'zlarini ham mustaqil ravishda hujjatlarni to'ldirish, yozish, tuzish malakasiga ega bo'lishlari haqida tavsiyalar berilgan.
Info autore
G'aybullaeva Nafisa Izatullayevna 1983-yil 7-aprelda Buxoro tumanida ziyoli oilada tug'ilgan. Nafisa G'aybullaeva 2018-yildan filologiya fanlari doktori, professor M.Q.Abuzalova rahbarligida "O'zbek tilida tibbiy evfemizmlar (tibbiy davriy nashr materiallari asosida)" mavzusida tadqiqot olib boryapti. Nashr etilgan ilmiy ishlar soni 30 ga yaqin.
