Read more
Kiko, majmuni që kuptoi Shqipërinë është një udhëtim satirik në labirintin shqiptar, ku absurdi i përditshëm bëhet skenë dhe një majmun nga Saranda kthehet në analistin më të mprehtë të vendit.
Me një gjuhë të thjeshtë, humor therës dhe pyetje që të lënë pa fjalë, Kiko shëtit nga politika te kultura, nga historia te përditshmëria, duke treguar se e vërteta shpesh kuptohet më mirë nga ata që nuk janë të përfshirë në lojë.
Ky libër është një pasqyrë komike e shoqërisë shqiptare - me qeveritarë që bëjnë teatër, institucione që mbyllen si muze, simbole kombëtare që zbërthehen me ironi, dhe qytetarë që mbijetojnë mes shpresës dhe sarkazmës.
Nga Saranda në Tiranë, nga çakalli i sheshit "Skënderbej" tek satelitët në qiell, Kiko është gjithmonë aty për të thënë të atë që është sheshit, por që askush nuk e thotë.
Lexoni Kikon, dhe do kuptoni pse ndonjëherë për të kuptuar Shqipërinë, duhet parë me sytë e një majmuni.
About the author
Lutfi Dervishi është gazetar, analist dhe autor i disa librave satirikë e publicistikë që shohin me sy kritik, por edhe me humor therës realitetin shqiptar. Pas dekadash në media dhe universitete, ai e ka kthyer satirën në mënyrë të dytë të të shkruarit, duke e përdorur ironinë si mjet për të shkundur mendjet dhe për të çliruar të qeshurën.
Në këtë libër ai prezanton Kikon - majmunin e lindur nga një ngjarje reale në Sarandë, që rrahu tre policë bashkiakë dhe më pas u shndërrua në personazhin më të mençur e më tallës për të kuptuar Shqipërinë. Përmes tij, Dervishi ndërthur gazetarinë me letërsinë satirike, duke dhënë një pasqyrë të gjallë dhe shpesh të dhimbshme të shoqërisë sonë.
Kur nuk shkruan, ai lexon, udhëton dhe herë pas here përpiqet të kuptojë se si ndonjë majmun arrin të thotë gjëra më të mençura se njerëzit.
