Lois Pereiro, breve encontro : un achegamento comiqueiro á biografía e á obra do poeta

Esta novela gráfica, en branco e negro, de Jacobo Fernández Serrano, primeira no catálogo de Xerais, constitúe un singular e fermoso achegamento comiqueiro á vida e á obra do poeta homenaxeado na Letras Galegas 2011. Iníciase cun breve encontro no que o autor homenaxea a película de David Lean, percorrendo cada unha das etapas da vida do poeta monfortino. Dende o seu nacemento na vila de de néboa e trens, pasando polos días de descubrimento da adolescencia, as primeiras loias en Madrid, o envelenamento e doenza posterior provocado pola colza, as viaxes europeas, as antoloxías coruñesas de amor e desamor, a edición do primeiro libro, os días da conversa ultramarina e da modesta proposición, ate a poesía última de amor e enfermidade. A novela inclúe ademáis a edición gráfica dalgúns dos textos máis emblemáticos do poeta, así como as visións do creador arredor da súa figura. Como sinalou Manuel Rivas, esta novela gráfica ?non trata de condecorar a Lois nin de poñelo nun pedestal. Trata de facelo reexistir, de andar por aquí de novo?.

Product details

• Authors: Jacobo Fernández Serrano
• Publisher: Edicións Xerais de Galicia, S.A.
• Languages: Galician
• Product format: Paperback / Softback
• Released: 01.06.2011
• EAN: 9788499142517
• ISBN: 978-84-9914-251-7
• No. of pages: 160
• Subject: Children's and young people's books > Non-fiction books / Non-fiction picture books > Natural science, technology