Read more
"Hausten har vakna til liv over natta. Iskaldt pissregn slår nedover byen i ein 30 graders vinkel. Eit kjølig drag frå det opne soveromsvindauget skubbar meg lengre under dyna og utset morgonen enda ein halvtime. Eg vert liggjande å vri meg uten at søvnen kjem attende og frir meg frå uroa. Kroppen min oppfører seg som om den har fått eit førehandsvarsel. Noko er i emning. Eg dreg meg opp av senga og ut på kjøkenet for å setja over kaffien. Før vatnet har kokt ferdig tikkar det inn ei melding på telefonen..."
Bygdetroll handlar om ein ung idealist som jobbar seg gjennom ei tung fortid. Oppveksten i den vesle bygda på vestlandet har satt djupe spor, og han freistar som ung vaksen å ta opp kampen mot gamle troll. På reisa ser han tilbake på studietida då egoet rasa saman. Samstundes møter han kjende karakteristikkar frå sin eigen oppvekst. Folk som ber på ein løyndom dei ikkje sjølv veit om.
About the author
Arne Martin Guddal Husby debuterte som forfattar med diktsamlinga Vengjeslag i 2019. Denne vart skreven under pseudonymet Anton Gravenstein og gitt ut som ei tilleggsbok til Bygdetroll. Diktaren er ein av fleire karakterar ein møter på reisa til hovudpersonen i Bygdetroll. Diktsamlinga er gitt ut som ebok og kan lastes ned på www.ebok.no
