Read more
Bota nuk mund të mblidhej ndryshe në varg. Në momentin që ti mbesa ime Elize lajmërove botën, kuptova se mendja nuk mund të kishte kuptim të mos angazhohej për dikë që ishte mjalt i mjaltit për hir të faktit.
About the author
Hasan M. Shahinaj: Fatmir Terziu talent i lindur
Kam patur rastin të mburrem me krijimet e tij që në vogëli. Ende i kam për fat të mirë fletoret e tij, ku ai si nxënës model dhe shembullor shkruante dhe krijonte ndjeshëm. Si ish mësues i tij i Gjuhës Shqipe dhe Leximit Letrar, kujtoj me respekt tërë ato krijime të ndjeshme e mjaft interesante të cilat më pas i kam dërguar dhe botuar me krenari tek revistat letrare "Pionieri" dhe "Horizonti", që botoheshin në Tiranë e ku kemi qenë të abonuar rregullisht. "Enkas për ilustrim të prirjeve letrare të ish-nxënësit tim në fjalë, po fiksojmë si faksimile një nga fletoret e tij me poezitë shkollore që ua redaktoja nxënësve, i ekspozoja në këndet e pasura të klasave e të sallonit të madh të shkollës". Thuhet në librin monografik të poetit dhe publicistit shqiptar, Hasan M. Shahinaj "Shkolla shqipe emërmadhe e Trebishtit: Monografi historiko - pedagogjike". Kjo monografi është botuar me rastin e 100 - Vjetorit të çeljes së shkollës së parë shqipe në Trebisht të Gollobordës së Dibrës (15 Prill 1914 - 15 Prill 2014).
