Read more
Liburu honen helburu nagusia da industri mailan erabiltzen diren erreaktore kimiko homogeneoen diseinurako, analisirako, ustiapenerako eta hobekuntzarako beharrezko ezagutzak ematea. Liburu honen bi egileek hainbat urte eman dute erreaktore kimikoen ingeniaritza irakasten. Euskarazko ikasmaterial urritasunak eta berezko terminologia finkatzen laguntzeak bultzatzen du liburu hau idaztera, gradu berrietako ikaslegoari euskaraz idatzitako ikasmaterial bat eskaintzeko asmoarekin. Liburu hau ikasmaterial gisa erabil daiteke bai kimikako bai kimika ingeniaritzako graduetan. Erreaktore kimiko homogeneoen diseinurako funtsezko azalpenak, definizioak eta irudikapenak hamar gaitan aurkezten dira. Lehen gaian erreaktore kimiko homogeneoen diseinurako oinarriak ezartzen dira. Hurrengo bederatzi gaiak bi atal nagusitan banatzen dira: lehenengoan (2 5 gaiak) erreaktore kimiko homogeneo idealen oinarrizko diseinua aztertzen da (jardute ez-jarraitua eta jarraitua). Bigarrenean (6 9 gaiak) irizpide anitzen araberako erreaktore ideal egokiena aukeratzeko oinarriak azaltzen dira. Azkenengo gaian eredutik desbideratzen diren erreaktore kimikoen diseinurako oinarriak aurkezten dira.
About the author
Unai Iriarte eta JLA Ingeniaritza Kimikoan Doktoreak (UPV/EHU) eta Ingeniaritza Kimikoa Saileko irakasleak dira (J.L.A Zientzia eta Teknologia Fakultatean eta U.I Farmazia Fakultatean). Teknologia Kimikoak Ingurugiro Sostengarrirako (tqsa) taldean katalisi heterogeneo eta ur-arazketa tratamendu eta kutsadura atmosferiko arloetan ikertzen dute.
