Mehr lesen
Akava Lil katar amaro Imamo o Zejnul Abedin, Ali ibn Hussein (a.s.) akhardol E Lila katar e Haqora ano Islam. Andre si tut e Phinda Haqora (Prave) Islamese save o Imamo mothoda pire amalendze hem savo prenosil len ano autentikano izvor o Abu Hamza Thamali. O zelo Rivajeti sasa chidlo hem arakhadino ko Taif al-Aqool katar o Ibn Shubah Haranni, (mulo 381 P.H.), Al-Khisal, Man la Jathhuruhu AI-Faqih thaj Amali katar o Sheikh Sadouq (mulo 381 P.H.).
Risalat al-Huquq si lafora taro o Imam Sadjad (a.s.) ane save mothol e Haqora e Manushese hem sar so si o Haqo e Allaheso Djeleshanehu, Haqo e Trupeso, Haqo e Familiako etc.
Vov sajekh dol konkretne primora bazirime po Kur'ano Azimushan, i Sunna Pejgemberesi Muhammad (s.a.a.), thaj e akcie hem Lafora Imamonengo.
Ano akava konteksto, o maj lacho prevod o lafi "Haqq" si o lafi "Tachno - Chache". Si but pashe similarne isto ke javer lafora thaj akala si : i justicia, i realiteta, o chachipe, o apropo, i relevanca, o potrebno, i responsibiliteta, o farzi, i obligacia, i dosh.
Über den Autor / die Autorin
Me irisardem so maj lache hem so maj pashe pi amari Romani Chib po Kosovako dialekto akava Lil. A isto e ajetora Kur'anose hem e Hadisora.
Maj anglal opre ko svako kapitulo ka chiton e lafora e Imamose so vacharol katar e Haqora. A me chutem atherna mandar maj tele ano svako kapitulo komentara, Ajetenca Kur'anese, Hadisora Lafora Pejgamberese (s.a.a.) thaj javer Rivajetora katar e Imamora (a.s.). Koristisardem o Lil katar o A Divine perspective on Rights savo sasa vech dendo komentarenca taro o Ghodratullah Mashayekhi.
