Read more
I lana tusi ‘ua ta’ua ‘o le Pōuliuli, tātou te fetaui ai ma le toea’ina e ‘autu i ai le tala a le atamai o ali’i, le susuga i le ali’i tusitala ‘o Maualaivao Albert Wendt, ‘o Faleasa Osovae, e fitusefulu ma le ono tausaga o lona matua, ma ‘o le ali’i sili i le afio’aga o Malaelua. ‘Ua maleifua ‘o ia ‘i se tasi taeao ma lona ‘ino’ino ‘ua matuā matuiā tele ‘i mea ma tagata ‘uma e pito i sili ona pele ‘iā te ia, ‘aemaise le fa’ate’ia ‘o ia lava ina ‘ua ia iloa lona sao i lenei fa’afitauli.
E puna le vai o le tōfā loloto ma le mamana o le utaga i le Pōuliuli, ‘ona ‘o su’esu’ga a le ali’i tusitala e fa’amatala ai le māfua’aga o le fa’alēaogāina o le māfaufau o le sa’o matua o se nu’u. ‘O le Pōuliuli ‘o se tusi e fa’aali ai māfaufauga loloto o le tusitala i pulega fa’akolone i se sosaiete i fetāula’iga ala o tū ma aga fa’aonapō nei, ‘olo’o tūmau pea le mālosi ma le tūmau i aso nei e pei ‘o lona ulua’i lomiga i le fasefulu tausaga ‘ua mavae i le gagana Peretania.
‘O le ulua’i fa’aliliuga lenei o le Pōuliuli i le Gagana Sāmoa e le tama’ita’i tusitala ‘o Sia Figiel (ma lana vāega fa’aliliupu āloa’ia o le Gagana Sāmoa: ‘o Manumaua Dr. Luafata Simanu-Klutz, Alvina Lutu Perelini, LV Letalu ma Dr. Niusila Faamanatu-Eteuati). ‘Ole‘ā ‘avea lea ma se taimi muamua e momoli ai manatu ma māfaufauga o Maualaivao i la tātou gagana, ‘ina ‘ia fa’aopoopo i le tuputupu a’e o tusitusiga ‘olo’o ‘ua ‘uma ona fa’aliliu mai i isi gagana, i le Gagana Sāmoa.
Pouliuli, Maualaivao Albert Wendt’s novel that explores the intricacies of the human condition and the complexity of Samoan society, is translated by Sia Figiel into the Samoan language for the first time.
About the author
Albert Wendt (Author)
ʻO le atamai o aliʻi, le Susuga Maualaʻivao Albert Wendt ʻo se tusitala lāuiloa i le Pasefika ma ʻo se polofesa ʻua lītaea mai le Iunivesitē o 'Aukilani, Niu Sila. Maualaivao Albert Wendt is the Pacific's most renowned writer. He is an emeritus professor at Auckland University. Sia Figiel (Translator)
ʻO Sia Figiel ʻo se fatu solo ma se tusitala na tūsia le where we once belonged. ʻO lana uluaʻi tusi faʻaliliu lenei i le Gagana Sāmoa. Sia Figiel is a poet and writer of the novel where we once belonged. This is her first work of translation into Samoan.
