Fr. 46.70
Joycelin Kauc Leahy
Liklik Hambak Rokrok
Neumelanesisch · Fester Einband
Versand in der Regel in 3 bis 5 Wochen (Titel wird speziell besorgt)
Beschreibung
Stori bilong Liklik Hambak Rokrok Loki Inap
Sampela ol wel abus i bin painim hap long stap taim ples bilong ol insait long bikbus i bin bagarap, na ol i bin go stap wantaim sampela ol abus bilong ples long wanpela haus kuk long wanpela ples arere long nambis long Lae, Papua Niugini. Olgeta abus i gat wok bilong ol na hap bilong slip tasol ol i save wok hat olgeta de. Taim liklik grinpela rokrok Loki Inap i bin lusim olgeta famili bilong en, em i bin kam stap long dispela haus kuk. Loki kamap olsem Elvis na i save singsing na danis long karamapim wari bilong en. Loki em wanpela lesbaga na i save kusai planti tu long kisim fri kaikai. Ol arapela abus long haus kuk i luksave long ol pasin bilong em tasol em i save i go moa yet na bagarapim bel bilong ol. Wanpela de em i no bin hamamas taim nogat man i givim kaikai long em na em i mekim kainkain i go na bikman Kande Kaks i kros nogut tru. Tasol Kande Kaks i soim gutpela pasin long Loki na i lainim em long pasin bilong wok bung wantaim long kamapim gutpela sindaun na wanbel. Em nau, tupela i kamap gutpela poro na haus kuk i kamap gutpela ples long i stap.
Über den Autor / die Autorin
Author/IllustratorJoycelin Kauc Leahy em wanpela raita na atist bilong Papua New Guinea na em i stap long Brisbane, Australia. Joycelin i gat Masta Digri long stadi bilong Museum, em wokim long Yunivesiti bilong Queensland long Australia. Em I bin stadi tu long Journalism na pinisim long Yunivesiti bilong Papua Niugini long Port Mosbi. Joycelin bipo wok olsem journalist long PNG.Joycelin i bon long Wau, na i bikpela long asples Wagang long Lae, Morobe Provins. Taim em liklik, em i save laikim tru long wokim pein, bilas, purpur na ol gras pisin bilong singsing wantaim tumbuna na ol sista bilong mama bilong em. Em save dai stret long stap long bus na painim abus, painim ol kaikai, na i go long tais long kisim pis, kindam, na ol narapela abus. Long dispela taim, tumbuna meri bilong em i lainim em gut tru long wei bilong stap long bus, karai bilong ol pisin na ol wel abus, na ol samting bilong kaikai we i kamap long graun, na i stap long wara na solwara. Em i bikpela wantaim gutpela pasin tumbuna (kastom) na pasin bilong i stap gut insait long ples na luksave bilong famili.Long nau long wok bilong em, Joycelin i save laikim long wokim ol piksa na stori na putim long kainkain hap olsem long nius, long buk, na long internet long skulim na soim wei bilong sindaun gut na lukautim ples, bus, graun na wara wantaim solwara. Em i pilim olsem edukesen em gutpela wei bilong soim ol pikinini long ol gutpela pasin bilong lukautim gut ples, bus, wara na solwara wantaim ol kain kain abus na ol samting i gat laip we i stap long graun long PNG na long olgeta hap bilong Melanesia.Joycelin i laikim olsem stori bilong Liklik Hambak Rokrok bai soim gutpela wei bilong lukautim envaironment na wei bilong komyuniti sanap wantaim long lukautim ol ples na graun bilong ol long taim Climate Change i kamap na ples i bagarap.Long Yunivesiti rises bilong em, Joycelin i bin i go long Tami na Malacsiga ples long Morobe Provins na painim olsem taim ples i bagarap na strongpela win na solwara i brukim ples, ol lain bilong ples i lusim ples na i go long narapela hap, ol i lusim ol pasin tumbuna (kastom) bilong ol. Sampela i lusim wok bilong kisim pis na abus na i lusim tokples bilong ol tu.Long Yunivesiti long Queensland, Joycelin i bin wokim wanpela bikpela eksibisin (so) ol kolim Pacific Storms Contemporary Art Exhibition. Dispela so i bin kamap long tripla hap long Queensland na Brisbane Siti. Joycelin i wokim so long ol atist i soim ol piksa i makim Climate Change na wanem hevi i kamap long ol Pasifik Ailan kantri. Siksti sikspela piksa na at i stap insait long eksibisin. Teti tripela (33) atist long twenty tupelo (22) kantri i soim wok bilong ol long eksibisin bilong Joycelin.https://lazylittlefrog.comhttps://tribalmystic.mejkleahyart@gmail.comFacebook: Joyce LeahyInstagram: @ https://www.instagram.com/jkleahyart/
Produktdetails
| Autoren | Joycelin Kauc Leahy |
| Verlag | PNG Publishing |
| Sprache | Neumelanesisch |
| Produktform | Fester Einband |
| Erschienen | 16.03.2022 |
| EAN | 9780980750362 |
| ISBN | 978-0-9807503-6-2 |
| Seiten | 46 |
| Abmessung | 221 mm x 286 mm x 8 mm |
| Gewicht | 461 g |
| Thema |
Kinder- und Jugendbücher
|
Kundenrezensionen
Zu diesem Artikel wurden noch keine Rezensionen verfasst. Schreibe die erste Bewertung und sei anderen Benutzern bei der Kaufentscheidung behilflich.
Schreibe eine Rezension
Top oder Flop? Schreibe deine eigene Rezension.